Фото: inform.kz

Биыл Қазақстанда есірткі қылмысы 8,5 % өскен. Мұны премьер-министрдің орынбасары Ералы Тоғжанов есірткі қылмысы мен нашақорлыққа қарсы іс-қимыл туралы арнайы кеңесте айтты. 

«Қазір есірткі қылмысы мен нашақорлық мәселесі өте өзекті боп тұр. Өкінішке қарай, жаңа синтетикалық есірткі тұтынатындардың көбі — жастар. Биылдың өзінде елімізде 5 мың есірткі қылмысы анықталды, өсім 8,5 % болды. Осы бағытта күресу үшін жүйелі түрде шаралар атқаруымыз қажет», — деді Тоғжанов. 

Соған байланысты премьер-министрдің орынбасары құқық қорғау органдарына бірнеше тапсырма берді: 

• интернеттегі есірткі саудасын болдырмау;
• нашарқорларды емдеу тәртібін жетілдіру; 
• есірткі диспансерлерін дұрыстап жабдықтау;
• шетелден есірткі тасымалдауға жол бермеу;
• осы шараларды тиімді атқару үшін ведомствоаралық топ құру.